Business in Covid in India
2020 ke shuruati 2 mahiney jaha sukoon bharey they vahin teesrey mahiney yani march ki shuruat Bharat me corona cases ki shuruat k sath hui.
Iskey sath hi Bharat me lockdown lagney ki shuruat hui or ab kuch log jaha work from home karne lagey to kuch log aisey bhi they jinkey kaam band ho gae or time bitney ke sath
corona ya covid-19 virus to khatam nahi hua par bhut se logo ne apni job kho di. vartman samay me is asthirta ko dhyaan me rakhtey hue or berozgari ke daur se gujar rahey logo ke liye is article me kuch business ideas diye jaa rahey hai jo un logo ki madad krenge jo pandemic ke is samay me new business shuru karna chatey hai. Ye 5 business ideas hai;
1.e-learning – Shiksha ek aisa vishay hai jisey ye virus bhi prabhavit nahi kar saka hai. Aisey yadi aap teaching me interest rakhtey hai to ye time aap ka hi hai. Bas aap ko apni ruchi ke anusar subject dekh padana hai. Aap apna khud ka online channel bana kar ya kisi online platform par join kar k teaching start kar saktey hai.
2. Grocery shop– Lockdown ke time jis ek cheez ki demand kam nahi hui vo hai grocery products. Aisey grocery shop kholney ka
idea kaafi faydemand sabit ho sakta hai bas aap ko uski thodi basic knowledge leni hogi jo ki as a consumer bhi aap kafi hadd tak jaantey hi hongey.
3. Blogging – Agar aap logo ke sath apne vichaar share krna pasand kartey par video bana ke apna face nahi dikhana chahtey hai to blogging ka idea aap ke liye best hai. Aap apni koi recipe, koi beauty tips, business ideas, heath ya fittness tips blog ke roop me likh k logo k sath online share kar sakte hai.
4. Door step Services – Lockdown me jab bahar jaaney ki permission nahi thi ab online shopping logo ke liye kaafi helpfull rahi hai. Aise me aap door step services ka business bhi shuru kar saktey hai e.g. food delivery, medicine delivery, grocery delivery etc. jo bhi aap chahey uski door step delivery start ker apna business shuru kar sakte hai.
5. Become a youtuber – Social media ke is daur me youtube ne bahut se logo ko ek aisa platform diya hai jaha vo apne passion ko to pursue kar saktey hai sath hi acchi khaasi earning bhi kar saktey hai. Aisey me aap apna khud ka youtube channel bana saktey hai e.g. cooking channel, eductional channel, fittnes channel etc.
Pandemic ke is time agar aap bhi apna business shuru karna chahtey hai to ye business ideas apna kar aap bhi grow kar saktey hai.